| Tweet |
Հայկական ցանցի տրանսֆորմացիաները. Մաս 1, 2011թ. մայիսի 1
Trends.am Monitoring Project #1
Հայկական ինտերնետային միջավայրն արդեն մի բավական ժամանակ բռնել է բուռն զարգացման և դրական տրանսֆորմացիաների ուղին: Սրանց վառ վկաներն են հայկական ինտերնետում օրեցոր ավելացող նոր ռեսուրսները, արդեն ստեղծված ռեսուրսների նոր բովանդակային և այլ ձևավորումները, հայկական ինտերնետի համար տարաբնույթ նորամուծությունները և այլն:
Հայաստանը նույնպես, ինչպես ամբողջ աշխարհը, գնում է դեպի ինտերնետային այսպես ասած` <սոցիալիզացիա>: Սոցիալական մեդիան` բլոգները, սոցիալական ցանցերը, դառնում է ինտերնետի կարևորագույն և ամենամեծ խաղացողը, և առհասարակ, սովորական օգտվողների դերը գնալով մեծանում է ցանցում: Այս մասին են փաստում համաշխարհային ինտերնետ-գիգանտների կողմից պարբերաբար կատարվող փոփոխություններն ու մանիպուլյացիաները դեպի ինտերնետային <սոցիալիզացիա>:
Վերջին երկու տարիների ընթացքը ցույց տվեց, որ հայկական ինտերնետային ոլորտը գնալով ավելի է ստվարանում նոր օգտվողներով, որոնց մի ստվար զանգվածն էլ, բնականաբար, առավել շատ օգտվում է սոցիալական ցանցերից` կազմելով հայկական սոցիալական մեդիայի մի մասնիկ (բացառությամբ Odnoklassniki ցանցի, որը դժվար է համարել սոցիալական մեդիայի մի մասը, համենայն դեպս` Հայաստանում):
Թեև բրիտանացի գիտնականների հետազոտությունները պարզել են, որ տղամարդիկ գրեթե ուշադրություն չեն դարձնում այն բանին, թե կինը կրունկով է, թե առանց դրա, բայց մեր զրուցակից հայ տղամարդիկ նշեցին, որ այնուամենայնիվ նրանք նկատում և գնահատում են կանանց ոտքերը, իսկ բարձրակրունկները նրբացնում ու գեղեցկացնում են դրանք… Ամբողջը » 
